Montagnards Stand For Justice

  “TI LEI KLEI KPĂ?” MÔ̆ Y KRÊČ BYĂ ÊMUH? Hlăm mlan 4 thŭn 2023, pô mtô Y Krêč Bya leh anăn phung bi đru đăo hlăm sang Aê Diê Ñu, kahan čŏng thơ̆ng duah mă kơyua kơ klei digơ̆ đăo. Phat kđi leh 13 thŭn. Brei jih jang drei sa ai đru iêô mthưr pŏk phưi brei klei êngiê ară anei mtam kơ Y Krêč By ă !  Ling:    https://www.acatfrance.fr/.../ou-est-la-justice-demande.. . Čih ênŭm hlăm anei klei ih iêô mthưr leh anăn mơĭt êlan dăng kông amâo dah êlan ling kơ phŭn knơ̆ng bruă mil čhil kluôm dhuôm kơ dĭng bruă Viêt Nam ti Kƀut Čar Hgŭm. Hlei Y Krêč Byă? Y Krêč Bya, sa čô mnuih đăo kơ Christ, sa čô pô mtô mơ̆ng djuê ana Đêga, phung djuê ana hriêt pô lăn anei hdĭp ti čar Dap Kngư Viêt Nam. Mă krư̆ tal êlâo mơ̆ng thŭn 2005 truh ti thŭn 2011 kơyua iêô mthưr brei mpŭ kơ klei êngiê klei đăo kơ ƀuôn sang Ñu pô, tŭ klei ngă jhat kjham sơnăk kơyua kơ klei đăo khuăl. Ƀiă thŭn ti anăn lŏ sa bliư̆ dơ̆ng mă êjai gơ̆ dôk ƀơ̆ng huă bi hdơr H...

Mrâo anei, mâo hlăm sang knơ̆ng bruă knŭk kna mđĭ lu klei čih ƀơ hla pŏk Facebook kơ phung/êpul krŭ kơ klei dưi anak mnuih (MSFJ). Diñu ngêñ kơyua U.S.A bi mŭt anăn yuôm kơ bruă tuê ksiêm dlăng klei êngiê klei đăo, hlăm google mpluh klei VN čih ur krao akâo kwưh đăm dưm VN hlăm anăn bi yuôm klei tuê ksiêm êdei kơ diñu ktư̆ ngă jhat kơ mnuih ƀuôn sang. Kơyuanăn mčeh kơ phung leh anăn êpul bruă klei dưi kơ mnuih, mđua kđi kơ digơ̆ jing arưp ngă klei jhŏng ktang bi djŏ hŏng klei mtuh phao ktuang mrâo anei. Ƀiădah anăn, amâo mâo klei bi msĭt klă ôh, knŭk kna yua knŏng rup leh anăn lŏ mkra photoshop čiăng bi luič knuih kơhưm leh anăn mčeh luar, kñăm kơ ayŏng khua Y Quynh Bdap yơh lu êdi, leh anăn hlŏng bi lar hră tui duah leh anăn dưm ênua kđi đŭ dơ̆ng mơ̆ng 10 truh 11 thŭn krư̆ “klei soh jhat ƀai” ƀiădah anăn ayŏng Y Quynh Bdap knŏng mă bruă kơ klei găl anak mnuih kơ klei găl djuê ana pôlăn. Leh ƀuh hră klei tui duah brei mă ayŏng Y Quynh...

  Čar Hgŭm Blŭ Dŏng Kơ Klei pô mtô Nay Y Blang https://machsongmedia.org/.../2104-quoc-te-len-tieng-ve... Hải Di Nguyễn Hrue 26/01/2024 leh êgao, brô dưm hrue giăm truh kơ klei kƀĭn prŏng Čar Hgŭm Kơ Klei Đăo Êngiê (IRF Summit), sang phat kđi kwar Phu Yên phat kđi pô mtô Nay Y Blang krư̆ 4 thŭn 6 mlan, kđi soh "Mjhua klei dưi êngiê kơ ƀuôn sang klei tŭ jing kơ knŭk kna, klei dưi, klei tŭ jing djŏ klei bhiăn êpul hgŭm, hjăn". Rup Knŭk Kna Klin phat kđi pô mtô Nay Y Blang Pô mtô Nay Y Blang mnuih Êđê, Sang Aê Diê Yang Christ Čar Dap Kngư. Hlapŏk Lĭng kriê TV mơ̆ng kahan police lač gơ̆ "mkŏ mjing êpul klei bi kƀĭn, wah lač soh hŏng klei bhiăn: hưn mdah klei amâo sĭt kơ klei đăo kơkuh mpŭ amâo mâo klei êngiê ti krĭng Sông Hinh, kwar Phu Yên: kčŭt mčeh, bi lar klei bhiăn kơ klei đăo, soh hŏng klei bhiăn tŭ jing kơ knŭk kna klin ngăn Viêt Nam." Ayŏng Ksor Y Choach, găl ama aneh kơ pô mtô Nay Y Blang leh anăn ară anei dôk jưh kđap ti ...

Hruê 10 mlan 03 thŭn 2001, kahan knŭk kna police, kahan ksŭng nao ngă jhat wang mnuih ƀuôn sang Plei Lao ti ƀuôn hgŭm Nhơn Hòa, krĭng Chư Pưh, kwar Gia Lai leh anăn knŭk kna alĕ săp čuh sang k'kuh mpŭ leh anăn mă jih phung gĭt gai bruă sang Aê Diê, ksŭng ngă kơ ƀuôn sang hŏng kdrăp phao ktoang tơi djiê sa čô mnuih (Rmah Blin) leh anăn mâo lu mnuih ƀuôn sang, phung bi đru đăo êka kjham, đa hlŏng mă ba krư̆ ƀơ sang mnă anôk bi kbĭn Sang Aê Diê luč rai. Rup knŭk kna klin wang mă phung đaŏ Plei Lao Ƀuôn sang ti anei đăo kơ Aê Diê mơ̆ng thŭn 1974 knŏng ƀuôn anei yơh mâo sang k'kuh mpŭ hlăm ƀuôn hgŭm anăn dưi mkra hŏng kyâo, mdhă leh anăn hlang phung djuê ana Dega drei ti anăn dưi mkŏ mjing rŭ mdơ̆ng mơ̆ng mlan 7 thŭn 2000. Êtuh čô mnuih phung bi đru đăo ti Plei Lao leh anăn lhao mkrah mnuih ƀuôn sang nao bi kƀĭn ti anăn grăp hruê kjuh. Grăp mlan sa bliư̆ mơ̆ng ƀuôn mkăn ti ƀuôn hgŭm Nhơn Hòa nao bi kƀĭn ti Plei Lao čiăng mđrăm mb...

  Hruê anei, 01 mlan 4, 2024. Knơ̆ng phŭn bruă mjĕ mjŭk USA mđĭ klei blŭ čih klei mrâo hưn hlăm hră mơar brei thâo USA guam sơnăk bruă phat kđi mnuih ƀuôn sang Viêt Nam yap mơ̆ng mlan 01 leh êgao. Ti gŭ anei jing klei mblang mơ̆ng klei čih anăn. Pô mtô Y Krêč Byă [Dlăng hŏng klei Êđê drei ti gŭ anei] USA guam êdimima ti anăp klei ngă nanao dư̆m mta klei phat kđi truh kơ phung sa ai hŏng klei êngiê kơ klei đăo leh anăn djuê hriêt Viêt Nam, hlăm anăn mâo 5 klei phat kđi yap mơ̆ng mlan 01 thŭn 2024. Hmei mâo klei uêñ êdimima kơ klei phat kđi bi kmhal krư̆ 13 thŭn mnă mrâo anei kơ Y Krêč Byă, pô tuôm blŭ hŏng klei hnŭk ênang kơ klei đăo dưi êngiê leh anăn ai tiê čuăn ruah mă pô ti Viêt Nam. Hmei ăt lŏ dơ̆ng uêñ kơ klei phat kđi Nay Y Blang, Danh Minh Quang, Thach Cương leh anăn Tô Hoang Chương kơyua klei nao kwưh akâo hŏng klei hnŭk ênang kơ digơ̆ klei dưi kơ anak mnuih, hlăm anăn mâo klei dưi êngiê klei đăo hŏng čuăn ruah mă pô, ti Viêt Nam...