Ñăt Kriêp amâo dah blŭ mdah?

Mrâo anei, mâo hlăm sang knơ̆ng bruă knŭk kna mđĭ lu klei čih ƀơ hla pŏk Facebook kơ phung/êpul krŭ kơ klei dưi anak mnuih (MSFJ). Diñu ngêñ kơyua U.S.A bi mŭt anăn yuôm kơ bruă tuê ksiêm dlăng klei êngiê klei đăo, hlăm google mpluh klei VN čih ur krao akâo kwưh đăm dưm VN hlăm anăn bi yuôm klei tuê ksiêm êdei kơ diñu ktư̆ ngă jhat kơ mnuih ƀuôn sang. Kơyuanăn mčeh kơ phung leh anăn êpul bruă klei dưi kơ mnuih, mđua kđi kơ digơ̆ jing arưp ngă klei jhŏng ktang bi djŏ hŏng klei mtuh phao ktuang mrâo anei. Ƀiădah anăn, amâo mâo klei bi msĭt klă ôh, knŭk kna yua knŏng rup leh anăn lŏ mkra photoshop čiăng bi luič knuih kơhưm leh anăn mčeh luar, kñăm kơ ayŏng khua Y Quynh Bdap yơh lu êdi, leh anăn hlŏng bi lar hră tui duah leh anăn dưm ênua kđi đŭ dơ̆ng mơ̆ng 10 truh 11 thŭn krư̆ “klei soh jhat ƀai” ƀiădah anăn ayŏng Y Quynh Bdap knŏng mă bruă kơ klei găl anak mnuih kơ klei găl djuê ana pôlăn. Leh ƀuh hră klei tui duah brei mă ayŏng Y Quynh Bdap čiăng bi wĭt ti Viêt Nam, Ayŏng Y Quynh Bdap hlŏng jêč hưn hŏng čar hgŭm mtam bruă anăn, kơyua anei jing klei knŭk kna rŭ ênua kơ phung krŭ klei kpă ênô, klei dưi kơ mnuih.

knŭk kna blŭ hlŏng amâo djŏ mtam si ngă êdei kơ dư̆m hruê mâo klei mtuh phao ktuang, MSFJ čih mđĭ hĕ klei mrâo anăn bi msĭt klă kơ diñu pô amâo sô̆ tuôm hŏng bruă anăn ôh. Boh klei gơ̆ MSFJ thâo nik kơ knŭk kna sơrawng tuh kđi kơyua dhua. Anăn yơh, MSFJ prăl čih bi kbiă čiăng kƀŭt čar hgŭm thâo klă mngač, klei anei êlưih săng mơh. Hlăm anăn MSFJ ngă bruă ktang sơnăk kơyua klei tŭ dưn kơ mnuih pôlăn, anei jing klă klơ̆ng tơl knŭk kna duah djă mnêč hdră čiăng bi mdlưh. Ƀiădah klei sĭt nik sơrăng dưi, MSFJ ăt leh anăn tuê ksiêm dlăng klei jing anak mnuih leh anăn klei êngiê klei đăo ti čar Dap Kngư.
Rup Y Quynh Bdap

MSFJ knŏng êran bruă klei găl kơ anak mnuih leh anăn klei êngiê klei đăo. Ƀiădah sŭk suôr êran bruă leh anăn truh kma êlam ƀơ kƀŭt čar hgŭm, MSFJ knŭk kna amâo ư ai. Êdei leh mtuh phao ktuang, knŭk kna mjhua yua klei myun anăn tuh klei soh, bi huĭ ƀuôn sang leh anăn tơl digơ̆ amâo jhŏng blŭ hưn mdah kơ klei ngă jhat mơ̆ng knŭk kna hŏng mnuih ƀuôn sang pôlăn leh anăn djuê ana mkăn msĕ si H’Mông, Khơmer Krom, Cham…
Knŭk kna plah mmiă lăn ala, mjing digơ̆ hlăm klei ƀun ƀin, Wăt amâo năng klei bi êmut amâodah roh, ƀiădah anăn jing klei sĭt leh anăn grăp čô thâo nik. Dah knŭk kna amâo mlih, si ngă ƀuôn sang dưi dôk ñăt riêp nanao mơ̆? Klei ñăt kriêp dôk dưm klei êmuh - Ya digơ̆ sơrăng hlăm bruă ti anăp anei? Jih jang sơrăng bi mguôp leh anăn ngă bruă ktang hĭn kơyua klei dưi anak mnuih, mđĭ klei blŭ digơ̆ pô hŏng kƀut ala čar.
Đăm truăn blŭ nanao kơ phung mnuih ngă bruă kơ klei dưi anak mnuih leh anăn êngiê klei đăo ư ai kơ klei ngă jhŏng ktang, bi kdơ̆ng. MSFJ amâo tŭ ư klei ngă jhŏng ktang leh anăn knŏng ngă bruă djŏ tui klei bhiăn kƀut čar hgŭm klei bhiăn Viêt Nam msĕ mơh. Knư̆ lu klei djik djak, MSFJ leh anăn êpul bruă klei dưi anak mnuih mkăn săn ai tiê krŭ hĭn. Hmei ăt sơrăng ngă nanao bruă djŏ hŏng klei găl leh anăn mđĭ klei blŭ kơ čar hgŭm. Hlei phung ư ai ngă klei jhŏng ktang, hmei amâo sô̆ tuôm leh anăn kăn hmei mđĭ ai ngă hlăm klei bruă ngă msĕ sơnăn.
Klei čih: Y Phič Hđơ̆k

Nhận xét

Đăng nhận xét

Bài đăng phổ biến từ blog này

Y Quynh Bdap - Montagnards

Hình ảnh
  Other Names:  Y Quynh Bdap Date of Birth:  June 15, 1992 Gender:  M Religion:  Christian (Protestant) Ethnicity:  Ede Occupation:  NGO worker Areas of Activism: Indigenous rights Known Affiliations: Montagnards Stand for Justice (MSFJ) History of Activism Y Quynh Bdap was charged with terrorism, allegedly in connection with the June 11, 2023 attack on government buildings in Dak Lak Province. Y  Quynh  was in Thailand at the time of the attack and claimed that he was not involved in any way. Despite charging him with terrorism, Vietnam has not made public any evidence against him to substantiate their claim. He was sentenced in absentia to 10 years' imprisonment.  Previously, Y  Quynh , who is an advocate for religious and ethnic minority groups in Vietnam, has been arrested a number of times and alleges that he  was brutally beaten  in 2010 while he was detained. In  2008, after hundreds of people were jailed ...
Đọc thêm

Hruê knŭk kna klin bi rai Sang Aê Diê Plei Lao 2001

Hình ảnh
Hruê 10 mlan 03 thŭn 2001, kahan knŭk kna police, kahan ksŭng nao ngă jhat wang mnuih ƀuôn sang Plei Lao ti ƀuôn hgŭm Nhơn Hòa, krĭng Chư Pưh, kwar Gia Lai leh anăn knŭk kna alĕ săp čuh sang k'kuh mpŭ leh anăn mă jih phung gĭt gai bruă sang Aê Diê, ksŭng ngă kơ ƀuôn sang hŏng kdrăp phao ktoang tơi djiê sa čô mnuih (Rmah Blin) leh anăn mâo lu mnuih ƀuôn sang, phung bi đru đăo êka kjham, đa hlŏng mă ba krư̆ ƀơ sang mnă anôk bi kbĭn Sang Aê Diê luč rai. Rup knŭk kna klin wang mă phung đaŏ Plei Lao Ƀuôn sang ti anei đăo kơ Aê Diê mơ̆ng thŭn 1974 knŏng ƀuôn anei yơh mâo sang k'kuh mpŭ hlăm ƀuôn hgŭm anăn dưi mkra hŏng kyâo, mdhă leh anăn hlang phung djuê ana Dega drei ti anăn dưi mkŏ mjing rŭ mdơ̆ng mơ̆ng mlan 7 thŭn 2000. Êtuh čô mnuih phung bi đru đăo ti Plei Lao leh anăn lhao mkrah mnuih ƀuôn sang nao bi kƀĭn ti anăn grăp hruê kjuh. Grăp mlan sa bliư̆ mơ̆ng ƀuôn mkăn ti ƀuôn hgŭm Nhơn Hòa nao bi kƀĭn ti Plei Lao čiăng mđrăm mb...
Đọc thêm

Klei Čih Mơ̆ng Kbŭt Ala Čar ACAT France

Hình ảnh
  “TI LEI KLEI KPĂ?” MÔ̆ Y KRÊČ BYĂ ÊMUH? Hlăm mlan 4 thŭn 2023, pô mtô Y Krêč Bya leh anăn phung bi đru đăo hlăm sang Aê Diê Ñu, kahan čŏng thơ̆ng duah mă kơyua kơ klei digơ̆ đăo. Phat kđi leh 13 thŭn. Brei jih jang drei sa ai đru iêô mthưr pŏk phưi brei klei êngiê ară anei mtam kơ Y Krêč By ă !  Ling:    https://www.acatfrance.fr/.../ou-est-la-justice-demande.. . Čih ênŭm hlăm anei klei ih iêô mthưr leh anăn mơĭt êlan dăng kông amâo dah êlan ling kơ phŭn knơ̆ng bruă mil čhil kluôm dhuôm kơ dĭng bruă Viêt Nam ti Kƀut Čar Hgŭm. Hlei Y Krêč Byă? Y Krêč Bya, sa čô mnuih đăo kơ Christ, sa čô pô mtô mơ̆ng djuê ana Đêga, phung djuê ana hriêt pô lăn anei hdĭp ti čar Dap Kngư Viêt Nam. Mă krư̆ tal êlâo mơ̆ng thŭn 2005 truh ti thŭn 2011 kơyua iêô mthưr brei mpŭ kơ klei êngiê klei đăo kơ ƀuôn sang Ñu pô, tŭ klei ngă jhat kjham sơnăk kơyua kơ klei đăo khuăl. Ƀiă thŭn ti anăn lŏ sa bliư̆ dơ̆ng mă êjai gơ̆ dôk ƀơ̆ng huă bi hdơr H...
Đọc thêm