Čar Hgŭm Blŭ Dŏng Kơ Klei pô mtô Nay Y Blang

 Čar Hgŭm Blŭ Dŏng Kơ Klei pô mtô Nay Y Blang

Hải Di Nguyễn
Hrue 26/01/2024 leh êgao, brô dưm hrue giăm truh kơ klei kƀĭn prŏng Čar Hgŭm Kơ Klei Đăo Êngiê (IRF Summit), sang phat kđi kwar Phu Yên phat kđi pô mtô Nay Y Blang krư̆ 4 thŭn 6 mlan, kđi soh "Mjhua klei dưi êngiê kơ ƀuôn sang klei tŭ jing kơ knŭk kna, klei dưi, klei tŭ jing djŏ klei bhiăn êpul hgŭm, hjăn".
Rup Knŭk Kna Klin phat kđi pô mtô Nay Y Blang

Pô mtô Nay Y Blang mnuih Êđê, Sang Aê Diê Yang Christ Čar Dap Kngư.
Hlapŏk Lĭng kriê TV mơ̆ng kahan police lač gơ̆ "mkŏ mjing êpul klei bi kƀĭn, wah lač soh hŏng klei bhiăn: hưn mdah klei amâo sĭt kơ klei đăo kơkuh mpŭ amâo mâo klei êngiê ti krĭng Sông Hinh, kwar Phu Yên: kčŭt mčeh, bi lar klei bhiăn kơ klei đăo, soh hŏng klei bhiăn tŭ jing kơ knŭk kna klin ngăn Viêt Nam."
Ayŏng Ksor Y Choach, găl ama aneh kơ pô mtô Nay Y Blang leh anăn ară anei dôk jưh kđap ti Ontario, Canada blŭ ti hruê 06/02/2024 "Klei phat kđi amâo mtăp mđơr leh anăn kăn klă mngač rei hŏng ayŏng Y Blang. Hruê 18/05/2023, knŭk kna nao lua tlĕ mă ayŏng Nay Y Blang êjai gơ̆ dôk hlăm čư̆, truh hrue 26/01/2024, ăt tlĕ phat kđi mơh pô mtô Nay Y Blang… Tơl hruê 26/01/2024, knŭk kna ba lĭng kahan, êpul kahan, kahan police ñŭ hlăm ƀuôn sang lu sơnăk, nao gak, kpĭ ngă jhat kơ grăp boh sang phung bi đru đăo.”
Asei ayŏng Ksor Y Choach pô đuĕ nao mbăng kđap ti Thailand thŭn 2016 ăt ngă jhat kơyua klei đăo leh anăn plah mhiă lăn ala ti Viêt Nam.
Ayŏng blŭ “kâo leh anăn jih jang mnuih ƀuôn sang ti ƀuôn Bưng čuh-ai ngêñ sơnăk kơ klei phat kđi sơnăn [Ayŏng Nay Y Blang].”
Tui si VOA klei Yuăn mđĭ klei mrâo, khua pô mtô A Ga, pô mkŏ mjing gĭt gai bruă Sang Aê Diê Klei Mrâo Mrang Jăk Yang Christ Čar Dap Kngư leh anăn ară anei dôk hdĭp ti North Carolina, USA, brei thâo “Sang phat kđi kwar Phu Yên si mta kđi diñu čiăng kruak yơh tui si diñu kơyua klei phat kđi anăn amâo mâo khua klei bhiăn mgăl brei kđi ôh… Dư̆m mta klei anei drei ƀuh anei jing klei phat kđi dôk sa ting đing sa nah, amâo mâo mtăp mđơr, kăn klă mngač rei.”
Tui si RFA klei Yuăn čih, “Čiăng lač jih jang phung mnă klei đăo kơ phung djuê ana hriêt ti Viêt Nam amâo mâo khua klei bhiăn đru brei klei mgăl brei kđi hlăm bruă kơ digơ̆.”
Mâo hlăm sa knơ̆ng bruă čar hgŭm blŭ brei leh mơh.
Êpul hgŭm Christian Solidarity Worldwide (Hgŭm mguôp Klei đăo Khop kluôm lăn ala) mơ̆ng England mđĭ klei mrâo kơ bruă ayŏng Nay Y Blang phat kđi ƀiădah amâo khua klei bhiăn kđi.
Aê Mervyn Thomas mơ̆ng CSW blŭ:
“CSW ƀuh klei anei hyưt êdimi kơ klei kƀah hdră bhiăn klei phat kđi djŏ hŏng klei bhiăn hlăm bruă klei phat kđi ayŏng Nay Y Blang leh anăn êbeh kơ 100 čô mnuih Đêga. Knŭk kna Viêt Nam dlăng klei ngă anăn aĭ mang knŏng wah lač ƀiădah jing klei hyưt huĭ truh kơ klei dưi knŭk kna leh anăn klă anăn diñu pô. Boh djŏ gơ̆ amâo mâo hlei pô năng kơ klei krư̆ kđăl kơyua klei đăo digơ̆ ngă hŏng klei êngiê amâo dah ai tiê digơ̆ pô čuăn čiăng leh. Klei giăm ƀiă mrâo anei drei ƀuh klei găl kơ anak mnuih ti Viêt Nam jing jhat kjham leh. hmei kñăm ktang klei anei sa klei bi hmô mâo klei diñu kñăm kơ êpul đăo leh anăn boh nik kluôm phung djuê ana hriêt Viêt Nam, kjham hĭn jing hlăm ƀuôn sang, leh anăn hmei iêô mthưr knŭk kna Viêt Nam mjưh ya mta klei ngă jhat anăn hŏng êpul đăo leh anăn djuê ana hriêt kluôm Viêt Nam.”
Ngăn Klei Găl Anak Mnuih (Human Rights Foundation) mơ̆ng USA čih ti dlông hlapŏk Twitter/ X:
“HRF ktang iêô mthưr knŭk kna Viêt Nam mpŭ klei dưi êngiê kơ klei đăo grăp pô dưi dưn leh anăn iêô mthưr knŭk kna phưi brei êngiê kơ ayŏng Nay Y Blang ară anei mtam leh anăn amâo mâo sa mta klei gun ôh.”
Knơ̆ng bruă mil čhil USA kpư̆ hiu kơ bruă êngiê klei đăo Rashad Hussain ăt čih ti hlapŏk Twitter/ X Hruê 5/2/2024:
“Jưp êdima ti anăp ală klei klei phat kơ pô êran bruă êngiê klei đăo mnuih Viêt Nam Nay Y Blan phat kđi 4 thŭn 6 mlan kơyua iêô thưr hŏng klei êđăp ênang. hmei iêo mthưr Viêt Nam brei hdră klei phat kđi bi djŏ klei bhiăn, phưi brei klei êngiê kơ phung mnuih ăt dôk krư̆ amâo mâo klei găl, leh anăn mpŭ klei dưi êngiê klei đăo amâo dah klei čuăn čiăng.”
Mâo sa hlapŏk Sang Aê Diê Khop čih klei mrâo hŏng klei English The Christian Post, UCA News, Premier Christian News ăt mđĭ mơh kơ klei phat kđi ayŏng Nay Y Blang.
Knŭk kna Mi blŭ dŏng pô mtô Nay Y Blang

Sa kơ pô mkăn dơ̆ng msĕ mơh kơ Y Krêč Byă, ăt pô mtô hlăm Sang Aê Diê Klei Mrâo Mrang Jăk Yang Christ Čar Dap Kngư, mă krư̆ ti mlan 04/2023.
Ti anôk klei bi kƀĭn prŏng êngiê klei đăo čar hgŭm 2024, khua pô mtô A Ga ba anăp kơ dĭng êpul mnuih Đêga leh anăn dưi bi tuôm hŏng lu adŭ bruă phung khua êmua leh anăn khua prŏng, msĕ si knơ̆ng bruă Čar Hgŭm USA Êngiê Kơ Klei Đăo, êran hiu kơ bruă dua čô ayŏng Nay Y Blang leh anăn Y Krêč Byă.
Khua pô mtô Aga hŏng Y Biên Ksor hŏng knŭk kna Mi

Hruê 04/01/2024 leh êgao, khua knơ̆ng bruă Antony Blinken, USA ăt dôk yap anăn Viêt Nam hlăm hdruôm ktue dlăng yuôm bhăn, mbĭt hŏng Algeria, Azerbaijan, République Centrafricaine, leh anăn Comoros, kơyua “Mă bruă mbĭt amâo dah rông phung ngă klei jhat kjham kơ klei dưi êngiê klei đăo”.

Nhận xét

Đăng nhận xét

Bài đăng phổ biến từ blog này

Y Quynh Bdap - Montagnards

Hình ảnh
  Other Names:  Y Quynh Bdap Date of Birth:  June 15, 1992 Gender:  M Religion:  Christian (Protestant) Ethnicity:  Ede Occupation:  NGO worker Areas of Activism: Indigenous rights Known Affiliations: Montagnards Stand for Justice (MSFJ) History of Activism Y Quynh Bdap was charged with terrorism, allegedly in connection with the June 11, 2023 attack on government buildings in Dak Lak Province. Y  Quynh  was in Thailand at the time of the attack and claimed that he was not involved in any way. Despite charging him with terrorism, Vietnam has not made public any evidence against him to substantiate their claim. He was sentenced in absentia to 10 years' imprisonment.  Previously, Y  Quynh , who is an advocate for religious and ethnic minority groups in Vietnam, has been arrested a number of times and alleges that he  was brutally beaten  in 2010 while he was detained. In  2008, after hundreds of people were jailed ...
Đọc thêm

Hruê knŭk kna klin bi rai Sang Aê Diê Plei Lao 2001

Hình ảnh
Hruê 10 mlan 03 thŭn 2001, kahan knŭk kna police, kahan ksŭng nao ngă jhat wang mnuih ƀuôn sang Plei Lao ti ƀuôn hgŭm Nhơn Hòa, krĭng Chư Pưh, kwar Gia Lai leh anăn knŭk kna alĕ săp čuh sang k'kuh mpŭ leh anăn mă jih phung gĭt gai bruă sang Aê Diê, ksŭng ngă kơ ƀuôn sang hŏng kdrăp phao ktoang tơi djiê sa čô mnuih (Rmah Blin) leh anăn mâo lu mnuih ƀuôn sang, phung bi đru đăo êka kjham, đa hlŏng mă ba krư̆ ƀơ sang mnă anôk bi kbĭn Sang Aê Diê luč rai. Rup knŭk kna klin wang mă phung đaŏ Plei Lao Ƀuôn sang ti anei đăo kơ Aê Diê mơ̆ng thŭn 1974 knŏng ƀuôn anei yơh mâo sang k'kuh mpŭ hlăm ƀuôn hgŭm anăn dưi mkra hŏng kyâo, mdhă leh anăn hlang phung djuê ana Dega drei ti anăn dưi mkŏ mjing rŭ mdơ̆ng mơ̆ng mlan 7 thŭn 2000. Êtuh čô mnuih phung bi đru đăo ti Plei Lao leh anăn lhao mkrah mnuih ƀuôn sang nao bi kƀĭn ti anăn grăp hruê kjuh. Grăp mlan sa bliư̆ mơ̆ng ƀuôn mkăn ti ƀuôn hgŭm Nhơn Hòa nao bi kƀĭn ti Plei Lao čiăng mđrăm mb...
Đọc thêm

Klei Čih Mơ̆ng Kbŭt Ala Čar ACAT France

Hình ảnh
  “TI LEI KLEI KPĂ?” MÔ̆ Y KRÊČ BYĂ ÊMUH? Hlăm mlan 4 thŭn 2023, pô mtô Y Krêč Bya leh anăn phung bi đru đăo hlăm sang Aê Diê Ñu, kahan čŏng thơ̆ng duah mă kơyua kơ klei digơ̆ đăo. Phat kđi leh 13 thŭn. Brei jih jang drei sa ai đru iêô mthưr pŏk phưi brei klei êngiê ară anei mtam kơ Y Krêč By ă !  Ling:    https://www.acatfrance.fr/.../ou-est-la-justice-demande.. . Čih ênŭm hlăm anei klei ih iêô mthưr leh anăn mơĭt êlan dăng kông amâo dah êlan ling kơ phŭn knơ̆ng bruă mil čhil kluôm dhuôm kơ dĭng bruă Viêt Nam ti Kƀut Čar Hgŭm. Hlei Y Krêč Byă? Y Krêč Bya, sa čô mnuih đăo kơ Christ, sa čô pô mtô mơ̆ng djuê ana Đêga, phung djuê ana hriêt pô lăn anei hdĭp ti čar Dap Kngư Viêt Nam. Mă krư̆ tal êlâo mơ̆ng thŭn 2005 truh ti thŭn 2011 kơyua iêô mthưr brei mpŭ kơ klei êngiê klei đăo kơ ƀuôn sang Ñu pô, tŭ klei ngă jhat kjham sơnăk kơyua kơ klei đăo khuăl. Ƀiă thŭn ti anăn lŏ sa bliư̆ dơ̆ng mă êjai gơ̆ dôk ƀơ̆ng huă bi hdơr H...
Đọc thêm