Hlei Hmei Jing Anak Čư̆ Čhiăng Kgŭ kơ Klei Kpă Ênô

Hlei Hmei Jing Anak Čư̆ Čhiăng Kgŭ kơ Klei Kpă Ênô - MSFJ

tháng 9 02, 2021

Let's Join hands to Build Religious Freedom and Human Rights for the Montagnards in Vietnam

Alŭm kkuh kơ jih jang găp ênuê djuê êpul, hŏng jih jang amĭ ama aneh prŏng ayŏng amai adei, đa phung akŏ arăng bâo hlâu arăng yap wăt ênŭm ênap mbĭt hŏng adei tlang yang ƀuôn.

RUP ÊPUL MSFJ

Snăn kâo Y Quynh Bdap hưn mthâo kơ bruă êpul Anak Čư̆ Čhiăng Kgŭ kơ Klei Kpă Ênô (MSFJ). Hruê anei kâo hưn mthâo klă mngač kơ hlei hmei jing? Hmei jing êpul êngiê amâo mâo dôk ti gŭ kơ klei dưi hlăm sa êpul gĭt gai hmei ôh. Ƀiădah sa ai mbĭt hŏng hlei pô mâodah êpul mâo ai tiê čiăng đru mbĭt kyua klei êngiê kơ mnuih ƀuôn sang drei pô ti krah Ala Dap Kngư. Êpul MSFJ knŏng hưn mdah klei sĭt nik hŏng klei kpă ênô leh anăn srăng ƀuah mkra kơ hlei êpul ngă soh hŏng mnuih ƀuôn sang drei pô, hlăm năn msĕ si klei knuk kna yuăn klin dôk ngă ktư̆ mjoă, bi kdơ̆ng hŏng klei găl jing mnuih... Snăn ya boh tŭ dưn tuôm ngă leh, klei tŭ dưn hmei dôk mă klei soh yuăn leh năn mơĭt nao kơ Kbŭt Čar Hgŭm, mtô mjuăt kơ ƀuôn sang thâo klei bhiăn, leh anăn hlăm bruă mkŏ mjing bruă yang ƀuôn, bruă mkŏ mjng Sang Aê Diê, lu bruă mkăn đa đa brei pô bi ala čar êngao nao mŭt hlăm lam msĕ si pô bi ala knuk kna Amerik, Anggle. Sơnăn diih dưi ksiêm dlăng leh anăn đru mbĭt hŏng hmei hlăm klei mĭn wăt ai tiê.

Snăn êpul hmei lŏ mñă dơ̆ng, hmei jing êpul êngiê, amâo djŏ êpul ngă kđi čar ôh, kăn djŏ êpul mă bruă čiăng bi mdlưh knuk kna Vietnam lei.

Hmei jing êpul mtô mjoăt klei bhiăn, tui hriăm klei bhiăn tui si djŏ klei mtrŭn mơ̆ng Kbŭt Čar Hgŭm. Sĭt nik hmei ka mâo pô krơ̆ng sĭt ôh. Hmei dưi mkŏ mjng hlăm mlan 7 thŭn 2019, hlăm êpul hmei dưi mkŏ mjing mâo jar, mâo kŭmmitê, mâo 3 čô djă akŏ,sa čô bi ala khua êpul, 2 čô pô kăp đru, ară anei mâo 40 c̆ô dôk mă bruă sa ai mbĭt hlăm êpul MSFJ dôk đru hlăm bruă mâo 10 čô ti c̆ar Ksiăm leh anăn 30 c̆ô hlăm c̆ar pô dôk bi đru ai tiê hơăi mang kyua čiăng mâo klei êngiê kơ mnuih ƀuôn sang, digơ̆ jing pô jhŏng tŭ klei arăng tlao mưc̆ amâo dah săn asei ti krah c̆ar kđap amâo dah hlăm c̆ar pô.

Lac̆ jăk kơ jih jang c̆iăng thâo kơ hlei hmei jing MSFJ.

Pô blŭ : Y Quynh Bdap

Tìm kiếm Blog này

Montagnards Stand For Justice

Hlei Hmei Jing Anak Čư̆ Čhiăng Kgŭ kơ Klei Kpă Ênô - MSFJ

Nhận xét

Đăng nhận xét

Bài đăng phổ biến từ blog này

Y Quynh Bdap - Montagnards

Hruê knŭk kna klin bi rai Sang Aê Diê Plei Lao 2001

Klei Čih Mơ̆ng Kbŭt Ala Čar ACAT France